په سرپل ولایت کې د یوې همکارې موسسې سره د همغږۍ غونډه وشوه
د غوایي میاشتې په ۱۶ مه نیټه په سرپل ولایت کې د کډوالو او راستنېدونکو امر مير عبدالسلام هاشمي د ناروې د مهاجرینو شورا (NRC) د شمال زون له مسوول رابرت اینزیکوا ترمنځ د همغږۍ غونډه وشوه.
په دې ناسته کې د د ناروې د مهاجرینو شورا(NRC) مسوولینو سرپل ولایت ته د خپل سفر موخې، چې د سرپناه ترمیم، د کورونو کرایه او د اوبو، روغتیا او حفظ الصحې (WASH) پروژو څارنه او پلي کول دي څرګند کړل.
دا پروژې په ۲۰۲۵ کال کې د سرپل د کوهستانات ولسوالۍ کې پیل شوې دي. دوی د راستنېدونکو او داخلي بې ځایه شویو لپاره د پروژو د پلي کولو په برخه کې د کډوالو آمریت څخه د همکاري وغوښته.
د مهاجرینو چارو امر د NRC له فعالیتونو مننه وکړه او ویې ویل، چې له پاکستان او ایران څخه راستانه شوي مهاجر د بې وزلۍ، بې سرپناهۍ او نورو ستونزو سره مخ دي. هغه له همکارو موسسو وغوښتل، چې د سرپل مهاجرینو ته ډېره پاملرنه وکړي.
د کډوالو آمریت ژمنه وکړه، چې د اسلامي امارت د قوانینو په چوکاټ کې به د مهاجرینو ستونزو هوارۍ لپاره له موسسو سره بشپړه همکاري کوي. د NRC مسوولینو هم د خدماتو د وړاندې کولو او بشري مرستو د جذبولو ژمنه وکړه.