په ننګر هار ولایت کې د کډوالو کورنیو ته د پاکو اوبو، روغتیایي کیټونه او نغدي مرستې برابریږي
د غوایي میاشتې په لومړۍ نیټه د ننګرهار ولایت د کډوالو او راستنېدونکو رییس د ډاکار موسسې له مسوولینو سره وکتل.
په دې ناسته کې ډاکار موسسې ژمنه وکړه، چې د جلالآباد ښار او نورو ولسوالیو کې به راستنېدونکو کډوالو لپاره د پاکو اوبو نوې څاګانې کیندي، زړې څاګانې به ترمیموي او روغتیایي کیټونه او نغدي مرستې به برابرې کړي.
د کډوالو چارو رییس د ډاکار موسسې له مرستو مننه وکړه او له نورو مرستندویه بنسټونو یې وغوښتل، چې د کډوالو بنسټیزو اړتیاوو ته لومړیتوب ورکړي، ترڅو دوی خپل اوږدمهاله اړتیاوې پوره کړي.