د پاکستان له زندانونو ۲۰۰ تنه افغان مهاجرین ازاد شول
د وري میاشتې په ٢٥ مه نیټه ۲۰۰ افغان بندیان، چې د پاکستان په بند خونو کې و؛ ازاد او هیواد ته راستانه شول.
د ننګرهار ولایت د تورخم فرضي کرښې سرحدي امریت د معلوماتو له مخې یاد شوي کسان د پاکستان په بېلابېلو سیمو کې نیول شوي او د ۱۵ ورځو څخه تر ۶ میاشتو پورې په بند خونو کې ساتل شوي وو.
د نوم لیکنې او بشري مرستو د ترلاسه کولو وروسته یاد کسان د ملي دفاع وزارت له لوري په موټرو کې خپلو اصلي مېنو ته ولیږدول شول.