د ملګرو ملتونو د عالي کمېشنرۍ د جنوب ختیځ زون مشر د لغمان د کډوالو له رییس سره وکتل
د کډوالو په چارو کې د ملګرو ملتونو د عالي کمېشنرۍ د جنوب ختیځ زون مشر ښاغلي الماس بروکتوف د کب پر ۲۷ مه د لغمان ولایت د کډوالو له رییس مولوي غلام الرحمن بلال سره وکتل.
په دې ناسته کې د ځینو فعالیتونو د پیل او د کمیسیون د پروژو پر ښه پلي کېدو خبرې وشوې.
د لغمان د کډوالو رييس له راستنېدونکو کورنيو سره د مرستې په برخه کې د دغه کمېسيون د مسوولينو له هر اړخيزو همکاريو مننه وکړه.