د مهاجرینو چارو وزارت مسلکي مرستیال د غزني له والي او مرستیال والي سره ولیدل.
د مهاجرینو او راستنېدونکو چارو وزارت مسلکي مرستیال الحاج مولوي عبدالرحمن راشد غزني ولایت ته د خپل سفر په ترڅ کې د غزني له والي حافظ محمد امین الله عمري او د دغه ولایت له مرستیال والي مولوي رحیم الله محمود سره ولیدل.
په دې لیدنه کې له راستنېدونکو او داخلي بې ځايه شويو سره د مرستې او د مهاجرينو په ښارګوټو کې د ستونزو او دغو ستونزو ته د رسېدنې په اړه خبرې وشوې.
د غزني والي او د دغه ولایت مرستیال والي ښاغلي راشد ته په بېلابېلو برخو کې د ښې رسېدنې په موخه د خپلو همکاریو ډاډ ورکړ.
د وزارت مسلکي مرستیال د غزني والي د همکارۍ ستاينه څرګنده کړه او په دغه ولايت کې يې راستنېدونکو او بې ځايه شويو کورنيو ته پر ښې رسېدنې ټينګار وکړ.
