د وزارت مسلکي مرستيال په کندهار کې د راستنېدونکو د مؤقتي کمپ له کارونو ليدنه وکړه
د مهاجرينو او بېرته راستنېدونکو چارو وزارت مسلکي مرستيال مولوي عبد الرحمن راشد او د مؤقتې استوګنې د کمېټې رئيس د ليندۍ په ۶ مه د کندهار ولايت د تخته پل د مؤقتې کمپ له کارونو څخه ليدنه وکړه.
دوزارت مسلکي مرستيال؛ کندهار ولايت ته په خپل کړي سفر کې اړونده مسؤلينو ته لارښوونه وکړه تر څو خپل کارونه چټک کړي ده همداشان دکارونو دچټکتيا تر څنګ مسؤلينو ته دکارونو په کيفيت هم ټينګار وکړ.
د يادونې وړ ده چې ياد کمپ د زرګونه کورنيو د ځايولو وړتيا لري او ددې ولايت د مؤقتې استوګنې د کمېټې له لورې له پاکستانه د اجباري راستنېدونکو د ښه راغلاست په موخه رغول کېږي او ډېری برخې يې ګټې اخېستنې ته چمتو دي.
