د کډوالو چارو وزير او دنورستان والي دهغه ولايت دکډوالو وضعيت په اړه خبرې وکړې
د نورستان والي حافظ عبدالقويم د تېرې چهارشنبې په ورځ د عويي په ۲۵مه په کډوالو چارو وزارت کې دکډوالوچارو وزير سره د هغه ولايت دکډوالو او بېځايه شوو ستونزې شريکې کړې.
دواړو خواوو راستنېدونکو ته د استوګنې د زمينې د برابرولو پرسر خبرې اترې وکړې، دکډوالو چارو وزير په دې اړه وويل د ولسمشر د نوي فرمان په اساس د نورستان ولايت راستنېدونکي کولای شي په هر بل ولايت کې دځمکې اخيستو غوښتنه وکړي، چې هغوی ته به ددوی دغوښتنې اړونده ځمکې ووېشل شي.
د نورستان والي د کډوالو چارو له وزير څخه وغوښتل، چې بېځاه شوو ته د کور جوړولو په برخه کې ددې ولايت سره همکاري وکړي.
دکډوالو چارو وزير په دې اړه وويل، په نورستان کې دځمکې د ځانګړې کېدو ورسته به کډوالو چارو وزارت له نړيوالو موسسو سره د کور جوړولو په برخه کې همغږي وکړي.
نوموړي زياته کړه هغه بېځايه شوي چې بېرته خپلو اصلي سيموته ستنېږي دهغوی سره دمرستو يو پروګرام تر لاس لاندې لري او بېرته اصلي سيموته ستنېدونکې هرې کورنۍ سره به د ترانسپورتي خدمتونو سربېره ۲۰ زره افغانۍ نغدي مرسته هم وشي.
