د مهاجرینو چارو سرپرست وزیر د شینوارو قومي مشرانو سره ولیدل
د مهاجرینو او راستنېدونکو چارو وزارت سرپرست وزیر الحاج خليل الرحمن حقاني د ننګرهار ولایت د شینوارو قوم له مشرانو او مخورو سره په خپل کاري دفتر کې ناسته وکړه
یادو مشرانو د شینوارو ستونزې او مشکلات له حقاني صیب سره شریک کړل، دوی وویل شینوارو قوم هر وخت د اسلامي امارت ملاتړ کړی او خپل دغه هوډ ته به ترپایه ادامه ورکوي دوی همدا راز له ښاغلي حقاني مننه وکړه، چې هر وخت یې پرته له ځنډه د قومونو غوښتنو ته لبیک ویلی
د مهاجرینو چارو وزیر وویل، داسې نظام راغلی، چې هرڅوک هروخت خپل مشکلات تر مشرانو رسولی شي، دا د اتفاق او یووالي لپاره ترټولو غوره فرصت دی، زمونږ هڅې باید د یو قوم په کچه نه بلکې د ټولو قومونو لپاره وي
ښاغلي حقاني د اشغال پرضد د ننګرهار د قومونو قربانۍ وستایلې او ډاډ یې ورکړ، چې ددوی ستونزې به له اړوندو ارګانونو سره شریکې او د حل لپاره به یې لازم اقدامات ترسره کړي
