د مالي مسايلو، محاسبې او تدارکاتو په اړه روزنيز ورکشاپ پای ته ورسېده
د مرکزي او ولايتي رياستونو او آمريتونو ۸۰ تنو کار کوونکو ته د مالي مسايلو، محاسبې او تدارکاتو په اړه روزنيز ورکشاپ، چې د چنګاښ په ۲۶مه د مهاجرينو چارو وزارت د ناستو په تالارکې جوړ شوی و پای ته ورسېده.
په دغه ورکشاپ، کې چې د بشري سرچينو، مالي اواداري رياست او تدارکاتو آمريت لخوا د درې ورځو لپاره جوړ شوی و،پکې مالي، محاسبې او تدارکاتي موضوعات د وزارت د مسلکي او مجربو کار کوونکو له لورې تشريح شول او د ګډونوالو سوالونو ته ځوابونه وويل شول.
د ورکشاپ په ورستۍ برخه کې مالي او اداري رئيس ښاغلي جمال ځدران او د بشري سرچينو رئيس مفتي مديرګل احمدي يوځل بيا په ورکشاپ کې پر راپورته شوو موضوعاتو خبرې وکړې او يوشمېر مهم موضوعات يې يوځل بيا مطرح کړل او د هغوی په سم تطبيق يې ټينګار وکړ.
په پای کې د ګډونوالو لپاره د ارزيابۍ ځانګړي فورمونه، چې پکې د نظرونه او وړانديزنه برخه هم وه د ډکولو په موخه ووېشل شول،چې د هغه په بشپړولو سره ورکشاپ پای ته ورسېده.
