د مهاجرينو چارو وزارت اداري ناسته ترسره شوه
د مهاجرينو چارو وزارت اونيزه اداري ناسته د مهاجرينو چارو د وزير الحاج خليل الرحمن حقاني په مشرۍ د غبرګولي په (۲۸) مه ترسره شوه.
په ناسته کې د قندهار ولايت د سپين بولدک د سرحدي آمريت د ستونزو او د مراجعينو سره د مسؤلينو د چلند په اړه د امير المومنين د (۴۱) فرمان د توضيح ترڅنګ،د منځني کال د بوديجې د لګښتونو، په ولايتونو کې د مهاجرينو چارو وزارت د ولايتي رياستونو او آمريتونو ، آمرينو او مديرانو ته د ظرفيت لوړونې، په ولايتونو کې د لمريزې برېښنا د تختو د وېش او هغه خلکو ته د سرپناه د جوړېدو په اړه چې د باميانو ولايت په مغاروکې اوسېږي خبرې وشوې او لازمې پرېکړې وشوې.
