دجوزجان ولايت د مهاجرينو ښارګوټو تخنيکي ارزونه وشوه
د مهاجرينو او راستنېدونکو چارو وزارت د پلاوي له لوري د لړم په ( ۷) مه د جوزجان ولايت د مهاجرينو او بېځايه شوو د ښارګوټو تخنيکي ارزونه وشوه.
د پلاوي د معلوماتو پربنسټ جوزجان ولايت يو ښارګوټي د مهاجرينو او راستنېدونکو او يو د بېځايه شوو لپاره لري.
د دغه ولايت د مهاجرينو ښارګوټی د شبرغان ښار په (۴۸) کيلومترۍ کې کې موقعيت لري چې د استوګنې لپاره (۳) زره او (۲۵) نمرې لري او يو د فعالو ښارګوټو څخه دی.
په ياد ښارګوټي کې (۵۰۰) کورنۍ ژوند کوي او د بېلابېلو پروژو د پلي کولو له امله ورته د ژوند ښه شرايط برابر شوي دي.
د پلاوي په خبره، د نورآباد په ښارګوټي کې يوشمېر ستونزې شته، چې د حل لپاره يې د جوزجان ولايت د والي سره خبرې کړي دي.
دوهم ښارګوټی د بېځايه شوو دی، چې د درزآب او قوش تپه ولسوالۍ په سيمه کې د شبرغان ښارپه ( ۱۷) کيلومترۍ کې موقعيت لري، چې په (۲۰۰) جريبه ځمکه کې جوړ شوی او تر اوسه پکې څوک نه اوسيږي خالي او غير فعال دی.
سرچينې زياتوي، چې د ياد ښارګوټي د فعالېدو په اړه يې خپل نظرونه او وړانديزونه والي او اړوندو مسؤلينو سره شريک کړي دي.
د مهاجرينو د ښارګوټو تخينکي ارزونه د مهاجرينو چارو وزارت له لورې د (UNHCR) دفتر په مرسته ترسره کېږي.
