د ايران څخه له دوه زرو زيات افغان مهاجر هېواد ته راستانه شول
د نيمروز ولايت د ورېښمو پل له لارې د تلې په ( ۲۱) مه او (۲۲) مه (۲۶۲۸) افغان مهاجر هېواد ته راستانه شول.
د نيمروز ولايت د مهاجرينو چارو رياست د معلوماتو پر بنسټ د يادو راستنېدونکو له ډلې (۹۳) کورنۍ چې (۳۶۳) تنه کېږي د( ۲۲۶۵) تنو مجردينو سره هېواد ته راستانه شول.
د سرچينې په خبره د ياد کورنيو له ډلې (۴۷) کورنۍ چې (۱۰۵) تنه نارينه او (۹۶) تنه ښځينه د ( ۴۲) تنو نورو مجردينو سره د مرستو په موخه د مهاجرت نړيوال سازمان (IOM) ته ور وپېژندل شول.