بشري مرستې دې په شفاف ډول تر مستحقینو ورسېږي
د مهاجرینو او راستنېدونکو چارو وزیر الحاج خلیل الرحمان حقاني پکتیا ولایت ته ددغه ولایت د مهاجرینو ریاست د ارزونې په موخه سفر وکړ
ښاغلي حقاني وویل مونږ هڅه کوو، چې ټولو ولسوالیو او لرې پرتو سیمو ته بشري مرستې ورسوو، خو دغه مرستې د غریبو او بېوزلو لپاره دي شتمن دې د اخستو هڅه نه کوي
هغه دغه راز په یاد ولایت کې ۹۰۰ سوه بېوزله کورنیو ته د چین هیواد بشري مرستې وویشلې، چې هرې کورنۍ سره د ۵۰ کیلو غنمو او ۵۰ کیلو وریجو مرسته وشوه
د پکتیا ولایت والي ښاغلي مولوي احمد علي جان احمد له ښاغلي حقاني څخه مننه وکړه، چې د پکتیا خلکو ته یې مرسته چمتو کړې وه او ډاډ یې څرګند کړ، چې د مرستو په ویش کې له عدالت څخه کار اخستل کیږي او هیچاته به اجازه ورنکړي، چې د غریبو او بېوزلو حق کې فساد وکړي
