کابل کې سلګونو کورنیو سره مرسته وشوه
د پاکستان د الخدمت خیره بنسټ له لورې د کابل ولایت د مهاجرینو او راستنېدونکو چارو ریاست په همکارۍ(٤٠٠) بې سرپرسته میرمنو، اړمنو بېځایه شوو او مستحقو کورنیو سره د خوراکي توکو مرسته وشوه.
یادو کورنیو هرې کورنۍ ته د وري په (١٢) مه د مهاجرینو او راستنېدونکو چارو وزارت د وزیر الحاج خلیل الرحمن حقاني او د یاد بنسټ د استازو په شتون کې یو اندازه وړه، غوړي، وریجې، لوبیا، دالنخود او سریلاک ووېشل شول.
د دغه مرستو د وېش پرمهال الحاج خلیل الرحمن حقاني د الخدمت فونډېشن څخه مننه وکړه، د مرستو د وېش په روڼتیايې ټینګار وکړ ویې ویل: اوس وخت را رسېدلی چې دنړۍ هېوادونه د افغانستان د خلکو سره مرستې او همکاري وکړي او د مهاجرینو او راستنېدونکو چارو وزارت د یو مسؤلې ادارې په توګه هڅه کوي، چې د نړیوالو مرستندویه ادارو سره په ګډه همغږۍ بې سرپرسته، اړمنو او مستحقو کورنیو سره لا زیاتې مرستې ترسره کړي.
