د ملګرو ملتونو د کډوالو ادارې عالي کمېشنر کابل ته راغی
د مهاجرینو او راستنېدونکو چارو وزارت مرستیال محمد ارسلاح خروټي دوشنبه د کب په (٢٣)مه د افغانستان اسلامي امارت په استازیتوب د کابل په هوايي ډګر کې د ملګرو ملتونو د کډوالو ادارې(UNHCR) د عالي کمېشنر فلیپوګراندي هرکلی وکړ.
د مهاجرینو او راستنېدونکو چارو وزارت مرستیال سره په خبرو کې د ملګرو ملتونو دغه لوړپوړي چارواکي ویلي چې کابل ته یې د سفر موخه له د اخلي بېځايه شوو سره د لا زیاتو مرستو او د افغانستان اسلامي امارت له چارواکو سره د دواړو لوریو ترمېنځ د ګډو همکاریو په اړه خبرې کول وو، ترڅو اړمنو کورنیو ته رسېدګي وشي.
په پام کې ده چې د مهاجرینو او راستنېدونکو چارو وزارت چارواکي د سې شنبې په ورځ د ملګرو ملتونو د کډوالو چارو له عالي کمېشنر او مل پلاوي سره په هېواد کې د بېځایه شوو او راستنېدونکو کورنیو د اړتیاوو د حل او په افغانستان کې د دې ادارې د پراختیايي پروګرامونو او د د ګډو همکاریو په اړه خبرې وشوي.
