ننګرهار ولايت کې له ( ۱۵۰) اړمنو،بېځایه شوو او راستنېدونکو کورنیو سره مرسته شوه.
نن د سلواغې ۱۳ مه د ننګرهار ولايت د کډوالو او راستنېدونکو چارو رياست په همغږۍ د (CAID/OCHR) مؤسسې له لورې له (۱۵۰) اړمنو،بېځایه شوو او راستنېدونکو کورنيو سره د خوراکي او غيري خوراکي توکو مرسته وشوه،چې هرې کورنۍ ته ۶۰کيلو وړه،۱۴کيلو دال،۲۴نيمې کيلو وريجي،۵کيلو بوره،۵ليتره غوړي، يو کيلو مالګه او يوه د روغتيايي توکو کڅوړه ورکول شوه.
يادې کورنۍ د ګډ هيئت له لورې سروې او مستحقې پيژندل شوې وې.