کډوالو وزارت کې د کارمندانو د کړنو د ارزونو ارزولو څرنګوالي زده کړې لپاره يوه روزنيزه ناسته وشوه
په هغه ناسته کې چې د لړم په ۱۱مه او ۱۸مه په کډوالو او ارستنېدونکو چارو وزارت کې ترسره شوه، پکې دملکي خدمتونود کارکوونکو د کړنو د ازرولو څرنګوالي زده کړو په اړه خبرې وشوې.
په دې ناسته کې د کډوالو وزارت د بشري سرچينو رئيس دملکي خدماتو قانون مطابق دکارکوونکو د کړنو ارزونه يوه مهمه او اړينه موضوع وګڼله ويې ويل، د کارکوونکو ارزونه ددې لامل کېږي چې د فعاليتونو موثريت مشخص شي، خلاوې او ستونزې په ګوته شي او په اړه يې کړنې ترسره شي.
په ياده ناسته کې چې د کډوالو او راستنېدونکو چارو وزارت د بشري سرچينو د رياست او اداري اصلاحاتو او ملکي خدماتو کمېسېون په همکارۍ جوړه شوې وه، د ياد کمېسېون دکارپوهانو له لورې د ناستې ګډونوالو ته په اړونده موضوع خبرې وشوې او د دوی سوالونوته يې ځوابونه وويل.
