افغانستان له لورې دکډوالۍ کمېټې د پاکستان او افغانستان د سولې او يوځایوالي لپاره دعمل سند ناسته ترسره شوه
دغه ناسته د کډوالو او راستنېدونکو چارو وزارت د پناه غوښتونکو مرستيالې ډاکټرې عالمې په مشرۍ، چې د افغانستان او پاکستان دعمل سند مسئوليت هم په غاړه لري ترسره شوه.
په دې ناسته کې چې د تلې په ۱۳مه په کډوالو چارو وزارت کې ترسره شوه، دملي امنيت د شورا دفتر، دملي امنيت رياست، کورنيوچارو وزارت او د نفوسو داحوالو دثبت ادارې استازو شتون درلود د ACC کارتونو دوېش او افغانستان ته دکډوالو د ثبت شوې ډېټا د لېږد د څرنګوالي په اړه خبرې اترې وشوې.
دپناه غوښتونکو مرستيالې معلومات ورکړل،چې تر اوسه ۵۵۷ زره او ۶۹۷ تنو هغه افغان کډوالو ته چې د کډوالۍ قانوني اسناد يې نه درلودل د ACC کارتونه وېشل شوي دي، چې په وېش سره يې د کډوالو د ځورونې او جبري وېستلو څخه مخنيوی شوی، چې په پاکستان کې دکډوالو په برخه کې دافغان حکومت د غوره لاسته راوړنو څخه شمېرل کېږي.
همدا رنګه د نفوسو د احوالو دثبت ادارې استازی چې تازه له پاکستان نه راستون شوی له پاکستان سره يې د خبرو اترو په اړه چې د ډېټا دلېږد په اړه کړي وويل، پاکستان د افغانستان د کډوالو دثبت شوې ډېټا په اړه غوښتنې ته مثبت او واضيح ځواب نه دی ورکړی.
په ياده ناسته کې هوکړه وشوه، چې د افغان پلاوي د سفر راپور به ولسمشرۍ ماڼۍ او نورو اړوندو ادارو ته وړاندې شي.
د ويلو ده چې له تېر ژمي څخه تر اوسه دوه ځلې افغان پلاوی پاکستان ته تللی؛ خو تر اوسه د کډوالو ثبت شوې ډېټا لېږد نه دی ترسره شوي.
