کډوالو چارو وزير دترکيې سرې مياشتې ادارې څخه د راستنېدونکو لپاره د کارموندنې پلانونو د زياتوالي غوښتنه وکړه
د کډوالو او راستنېدونکو چارو وزير سيد حسين عالمي بلخي په افغانستان کې دترکيې سرې مياشتې دنوي رئيس فاتح آيوتکين سره د کب په ۴مه په کډوالو چارو وزارت کې ليدنه وکړه.
دکډوالو او راستنېدونکو چارو وزير دترکيې دسرې مياشتې ادارې دهمکاريو څخه مننه وکړه، چې راستنېدونکو کډوالوسره يې دکار په برخه کې کړې. هغه زياته کړه چې دغه برنامه بايد له ترکيې څخه راستنېدونکو کډوال ته زياته پراخه شي او زيات افغان کډوالو د پوښښ لاندې راولي.نوموړي دهغه څخه غوښتنه وکړه،چې د راستنېدونکو لپارهدکارموندنې پلانونه زيات کړي.
هغه همدارنګه د سرې مياشت ې د ادارې څخه غوښتنه وکړه،چې هغه افغان کډوالو چې د ترکيې څخه افغانستان ته راستنېږي او روغتيايي ستونزې لري دکډوالو چارو وزارت سره په دې برخه کې همکاري وکړي.
يوکال دمخه دترکيې سرې مياشتې ادارې په کابل کې دپلورنځيو په پرانيستلو سره له ترکيې څخه افغانستان ته راستنېدونکوته دندې چمتوکړې ددې ادراې رئيس وويل، چې مخکې يې ادارې په هرې اونۍ کې يوه هټۍ دراستنېدونکو لپاره پرانيزي مګر دا درې چنده کېږي.
