کډوالو چارو وزارت په روان کال کې د ملیاردونو افغانیو په ارزښت له همکارو بنسټونو سره د همکارۍ نږدې ۶۰ هوکړه لیکونه لاسلیک کړي دي

د روان کال له پیل تر دې دمه د هېواد په ۳۴ ولایتونو کې د ۱۵ میلیارده ۳۸۹ میلیونه ۵۵۸ زره او ۴۶۵ اعشاریه ۱۲ افغانیو په معادل د ۲۳۱ میلیونه ۱۴۳ زره او ۸۶۴ امریکايي ډالرو په ارزښت د کډوالو او راستنېدونکو چارو وزارت له ملي او نړۍوالو بنسټونو سره د راستنېدونکو، بېځایه شویو، اړمنو، بې سرپرستو او کوربه ټولنو لپاره د ښو خدمتونو وړاندې کولو په موخه ۵۸ هوکړه لیکونه لاسلیک کړي دي.
په وړاندې شویو خدمتونو کې نغدي، غیرې نغدي، خوراکي، غیرې خوراکي، روغتیايي، مشورو ورکولو او د سرپناوو جوړولو په برخه کې ( ۲۹۱ زره ۵۵۰ کورنیو) او ( یو میلیون ۲۱۱ زره ۶۵۲ کسانو ) ته چې له دې ډلې ۹۱۴ زره ۷۶ ) کسه راستنېدونکي او ( ۱۸۷ زره ۴۴۷ ) تنه بېځایه شوې کورنیو او ( ۲۰۹ زره ۹۰۴ ) تنه د کوربه ټولنو څخه وو، له یادو خدمتونو برخمن شوي دي.
دغه وزارت هڅه کوي، چې د راستنېدونکو او بېځایه شویو لپاره په ټول هېوادو کې ښه بشري خدمتونه وړاندې کړي تر څو هغوی په ارامه او صمیمانه فضا کې د ورورولۍ او یوالي ژوند وکړي.