د کډوالو او راستنېدونکو چارو وزير نورالرحمن اخلاقي د تليفوني تماس له لارې په ايران کې د افغان زده کړيال محمد مسيح حميدي سره خبرې وکړې چې په ايران کيې د رياضي په المپياد سياليوکې لومړی مقام ګټلی. د افغانستان حکومت په ځانګړي ډول د کډوالو او راستنېدونکو چارو وزارت په استازيتوب مبارکي وويله.

 هغه دکډوالونه په ځانګړي توګه افغان زده کوونکو نه ملاتړ اعلان کړ ويې ويل: چې دکډوالو او راستنېدونکو چارو وزارت څانګې په تهران کې د افغانستان د سفارت ترڅنګ د افغان کډوالو په خدمت کي دي او اړتيا ده چې افغان کډوالو او زده کوونکو سره د ملاتړ په برخه کې ډېره مرسته وکړو چې دهېواد علمي او معنوي سرمايه ده.

دغه افغان زده کړيال  دامهال په تهران کې د شريف صنعتي پوهنتون د رياضي څانګې د دريم کال زده کړيال دی او ويل کېږي چې دا لومړی ځل دی چې يو افغان کډوال په ايران کې په رياضياتو کې لومړی مقام ترلاسه کوي.
د ايران دخبري اژانس په خبره تېر کال د ايران د لسو پوهنتونو ۱۶۷۷ زدکړيالانو د المپياد په ۲۵ پړاو سيالوکې ګډون کړی و چې وروستۍ پايلې يې د يکشنبې په ورځ خپرې شوې.

د زده کړيالانو د المپياد سيالۍ د ايران د څېړنو او ټيکنالوژۍ وزارت په نوښت په ايران کې د پوهنتون د زده کړيالانو د هڅولو لپاره د ۱۳۷۵ کال راهيسې په لاره اچول کېږي.