کابل: د مهاجرینو چارو وزات مرستیال په متحده عرب اماراتو کې د افغانستان له سفیر سره ولیدل
د مهاجرینو او راستنېدونکو چارو وزارت مالي او اداري مرستیال شیخ کلیم الرحمان فاني په متحده عرب اماراتو کې د افغانستان له سفیر مولوي بدرالدین حقاني سره د وزارت په مقر کې ولیدل
په دغه ناسته کې په پاکستان او ایران کې د مهاجرینو پروضیعت، د افغانستان او متحده عرب اماراتو ترمنځ د اړیکو پر پراختیا او د مهاجرینو لپاره د مرستو د جلب په څرنګوالي خبرې وشوې
ښاغلي فاني په خپلو خبرو کې د مهاجرینو د ستونزو، او راستنېدونکو لپاره د وزارت د چمتو شویو خدماتو په اړه معلومات وړاندې کړل، نوموړي ټینګار وکړ چې د دوامدارو حللارو لپاره سیمه ییزې همکارۍ اړینې دي
په اماراتو کې د افغانستان سفیر ډاډ څرګند کړ، چې د مهاجرینو د وضیعت ښه کولو او د نړیوالو مرستندویه ادارو د ملاتړ جلبولو لپاره به خپلې ډیپلوماتیکې هڅې لا ګړندۍ کړي
