ځینو قومي مشرانو او جهادي قوماندانانو د مهاجرينو چارو له وزير سره وکتل
د مهاجرینو او راستنېدونکو چارو وزیر ښاغلي الحاج خلیل الرحمن حقاني د هېواد د بېلابېلو ولایتونو ځینو قومي مشرانو، جهادي قوماندانانو او د پوهنتونونو استادانو سره د خپل کار په دفتر کې وکتل.
هغوی د مهاجرینو په خدمت کې د وزارت د مشرتابه د کمسارو هلو ځلو د قدردانۍ ترڅنګ له اسلامي نظام څخه خپل ملاتړ اعلان کړ.
د مهاجرینو او راستنېدونکو چارو وزیر پر لا یووالي ټینګار څرګند کړ او د هغوی د هر اړخیز او صادقانه ملاتړ قدرداني او مننه یې وکړه.
