په کابل ښار کې لسګونو راستنېدونکو کورنیو د خوراکي او غیر خوراکي توکو مرستې تر لاسه کړې
په کابل ښار کې د ایران هېواد څخه په جبري توګه راستنو شویو ۵۰ کورنیو ته خوراکي او غیر خوراکي توکو مرستې ووېشل شوې.
دا مرستنې، چې د سیلاب خیریه بنسټ له لوري وې، چې په دغو مرستو کې یوه بوجۍ اوړو، یوه بوتل غوړي، یو جوړ ښځینه کالي، یو کارتن د کالو مینځلو صابون، یو جوړ نرینه بوټان او او د ماشومانو لپاره یوه بکسه، چې قلمونه او کتابچې پکې وې شامل و.
د یادو مرستو د وېش په مراسمو کې د سیلاب خیریه بنسټ رییس سید احمد سیلاب وویل: زموږ مرستې به په راتلونکي کې هم د راستنېدونکو کورنیو لپاره دوام ولري.
نوموړي له نورو خیریه بنسټونو وغوښتل، چې هېواد ته د راستنېدونکو کډوالو لاسنوی وکړي.
