په پغمان ولسوالۍ کې د افغان ماشومانو لپاره د جرمنې مرستې په نوم موسسې د (٥٠٠) اړمنو کورنيو سره د خوراکي توکو مرسته وکړه

anwari_morr
پنجشنبه ۱۴۰۰/۸/۲۰ - ۱۱:۳
په پغمان ولسوالۍ کې د افغان ماشومانو لپاره د جرمنې مرستې په نوم موسسې د (٥٠٠) اړمنو کورنيو سره د خوراکي توکو مرسته وکړه

د کابل پغمان ولسوالۍ کې (٥٠٠) اړمنو کورنيو سره د افغان ماشومانو لپاره د جرمني مرستې په نوم موسسې د خوراکي توکو مرسته وکړه.

د يادې موسسې رئيس حاجي محمد عالم شهاب د مرستو د وېش پرمهال وويل: زموږ اداره له کلونو راهيسې په افغانستان کې د صحت, تعليم, خوراکي توکو او ځېنو نورو برخو کې مرستې کوي او دغه لړۍ به جاري ساتي.

هغه د افغانستان خلک د سختو مشکلاتو سره مخامخ وبلل او له نړيوالو يې و غوښتل چې په سختو شرايطو کې د افغانانو لاسنوی وکړي.

د هغه په وينا, په ننيو مرستو کې وړه, غوړي, وريجې, بوره, لوبيا او چای شامل دي چې د يوې کوچنۍ کورنۍ لپاره به نږدی يوه مياشت کفايت وکړي.

دغه راز د کابل کډوالو او راستنېدونکو چارو رئيس قاري عبدالمتين رحيمزي د افغان ماشومانو لپاره د جرمني مرستې موسسې څخه ځانګړې مننه وکړه او ويې ويل: نور موسسات او خېريه بنسټونه دې ددې موسسې په پل قدم کېږدي او د اړمنو وګړو سره دې خپلې مرستې زياتي کړي.

هغه فقر د تېر فاسد نظام ميراث ياد کړ او ژمنه يې وکړه چې د لوي الله (ج) په مرسته به يې پاي ته رسوي.

د نوموړي په وينا, د کډوالو او راستنېدونکو چارو وزارت هڅه کوي د سړې هوا تر راسېدو وړاندې ټول داخلي بې ځايه شوي کډوال خپلو سيمو ته انتقال کړي او اړمنو کورنيو ته پر وخت مرستې ور ورسوي.

تازه خبرونه

پنجشنبه ۱۴۰۱/۱۱/۱۳ - ۱۰:۴۵
Background image

د پاکستان له زندانونو څخه له  سلو زيات  افغانان خوشي شول

تېر ماښام د پاکستان له زندانونو څخه ( ۱۱۵) افغانان خوشې شول او د قندهار ولايت د سپين بولدک د مهاجرينو چارو آمريت ته وسپارل شول.

د قندهار ولايت د سپين بولدک د مهاجرينو چارو د آمر په. . .

سه‌شنبه ۱۴۰۱/۱۱/۱۱ - ۱۷:۳۰
Background image

د مهاجرينو چارو وزير د (IRC) موسسې له مرستيال سره  ليدنه وکړه

د مهاجرينو او راستنېدونکو چارو وزير الحاج خليل الرحمن حقان ی د (IRC) موسسې له مرستيال عدنان جنيد سره  په خپل کاري دفتر کې ليدنه وکړه.
په  ليدنه کې  دواړو لوريو اړمنو او مستحقو کورنيو ته. . .

سه‌شنبه ۱۴۰۱/۱۱/۱۱ - ۱۷:۲۲
Background image

د مهاجرينو چارو وزارت مسلکي مرستيال د (IHH) موسسې څخه د راستنېدونکو او بېځايه شوو سره د همکاريو غوښتنه وکړه

د مهاجرينو او راستنېدونکو چارو وزارت مسلکي مرستيال مولوي عبدالرحمن راشد  د سلواغې په (۱۱) په کابل کې د ترکيې هېواد د (IHH) موسسې له رئيس ښاغلي مجاهد کليچ سره ليدنه وکړه.

په ناسته کې چې. . .

بېرته خبرونه ته