په سويډن کې د افغانستان نوي سفير په هغه هېواد کې د کډوالو د وضعيت په اړه دوزارت له چارواکو سره خبرې وکړې
عباس نويان چې نوی په سويډن کې دافغانستان سفير ټاکل شوی،دکډوالو وضعيت، معلوماتو راغونډولو او مشورې لپاره کډوالو چارو وزارت ته راغلی و او ددغه وزارت له وزير او د پناه غوښتونکو مرستيالې ډاکټرې عالمې سره يې خبرې اترې وکړې.
دغه ليدنه د لړم په ۱۲مه په کډوالو چارو وزارت کې ترسره شوه او د کډوالو چارو وزارت او سفارت ترمنځ د لاهمغږۍ او په هغه هېواد کې د کډوالو د مديريت په اړه خبرې اترې وشوې.
دکډوالو او راستنېدونکو چارو وزير پخپلو خبرو کې وويل، په سويډن کې شاوخوا ۳۸ زره افغان کډوال ژوند کوي دسويډن هېواد نرم سياست ددې سبب شوی چې په دغه هېواد کې د کډوالو وضعيت ښه شي.
هغه زياته کړه،چې د افغانستان او سوېډن نوی هوکړه ليک په ۲۰۱۴ کال کې د کډوالو دمديرت په اړه لاسليک شوی و،چې د قضيود بياکتنې په پروسه کې ددواړو خواو سره درې اړخيزه محاکمه، کډوالو حق، د زيامنوډلو منل او په خپله خوښه راستنېدونکو څخه ملاتړ هوکړه شوې.
همدارنګه د کډوالو او راستنېدونکو چارو وزارت د پناه غوښتونکو مرستيالې ډاکټرې عالمې د نوي سفير څخه وغوښتل، چې د قضيو د څېړلوپرمهال دافغانستان امنيتي وضعيت ته پام وکړيپ او دافغانستان حکومت سره دهغه په قضيه کې د کوکورنيو دجلا کېدو په مخنيوي ک د لا نرمښت غوښتونکی شي او کډوالو ته دافغانستان د سفارت په استازيتوب د درې ګونو محاکمو په اړه کره معلومات چمتوکړي ترڅو ددې فرصت څخه ګټه واخلي.
په ورته وخت کې په سويډن کې د افغانستان نوي سفير کډوالو چارو وزارت ته دکډوالۍ مديرت په برخه کې د هر اړخيزې همکارۍ ډاډ ورکړه.
