پروان ولايت کې د بېرته راستنېدنونکو يوښوونځی ګټې اخيستنې ته وسپارل شو
د لړم په ۲۸مه د پروان ولايت د بګرامۍ ولسوالۍ په ده مسکن سيمي کې د بېرته راستنېدونکو لپاره لومړنی ښوونځی د کډوالو او راستنېدونکوچارو وزارت سرپرست وزير نور الرحمن اخلاقي، دملګرو ملتونو دکډوالو ادارې عالي کمېشنر فليپو ګراندي او د پروان والي فضل الدين عيار په شتون کې ګټې اخيستنې ته وسپارل شو.
دغه ښوونځی د ملګرو ملتونود کډوالو ادارې په مالي مرسته د کډوالو او راستنېدونکو چارو وزارت په همغږۍ اوڅارنې لاندې جوړ شوی دی.
د کډوالو او راستنېدونکو چارو وزارت سرپرست وزير ددغه ښوونځي د پرانيستې په مراسموکې د نړيوالې ټولنې په ځانګړي توګه د ملګرو متلونو دکډوالو ادارې څخه په هېواد کې د داخلي بېځايه شوو او راستنېدونکو لپاره د پراختيايي برنامو د پلي کولو امله مننه وکړه.
ښاغلي اخلاقي د شپږ نيم ميليونو څخه د ډېر افغانانو دکډوالۍ عوامل په هېواد کې جنګ او تروريستي برېدونه ياد کړل. همدارنګه د پروان ولايت والي په داسې حال کې چې چې په هېواد کې د سولې په ټينګښت ټينګار کوي، پر نړيوالې ټولنې غږوکړ چې ده هېواد په ۱۸ کلنو لاسته راوړونوکې له حکومت سره لا زياته همکاري وکړي.
په ورته وخت کې دملګرو ملتونو دکډوالو ادارې عالي کمېشنر چې په افغانستان ته راغلی د خپلو همکاريو پردوام په ځانګړي توګه د پراختيايي په برخه کې يې دهمکاريو خبر ورکړ.
