پاکستان کې يو شمېر افغان کډوالوته نغدي مرستې پيل شوې
په پاکستان کې هغو افغان کډوالو ته، چې د کرونا وېروس قرنطين لخوا زيانمن شوي و دنغدي مرستو وېش په دې وروستيو کې پيل شوي دی. د پېښور د کډوالو د اتشې په وينا دغه برنامه هغه کورنۍ تر پوښښ لاندې نيسې، چې د قرنطين پرمهال د زياتو مالي ننګونو څخه شکايت کوي.
د پېښور د کډوالو د اتشې د معلوماتو پر اساس دغه مرستې به په ټول پاکستان کې ۳۶۰۰ کورنۍ تر پوښښ لاندې ونيسي او هرې کورنۍ ته به ۱۲۰۰۰ کلدارې د ملګرو ملتونو دکډوالو ادارې له لورې په پېښور کې د افغان کډوالو د ادارې په همکارې ووېشل شي.
همدارنګه د بېلابېلو مرستندويه ادارو له لورې په پاکستان کې شاوخوا ۱۵۰۰ افغان کډوالو سره په اسلام آباد ښار، راولپينډۍ او پنجاب کې د ترکيې جمهوريت د ( تيکا ) له لورې په اسلام اباد کې دافغانستان د افغان کډوالو داتشې په همکارۍ مرستې شوي.
دغه مرستې هغه مهال وېشل کېږي، چې د افغان کډوالو د قرنطين پرمهال د اقتصادي ننګونو سره مخ وي.
