محمد ارسلاح خروټي د "یدي باسک" موسسې له مشر سره ولیدل
د مهاجرینو او راستنېدونکو چارو وزارت مرستیال محمد ارسلاح خروټي د ترکیې هیواد د بشر دوستانه مرستو ټولنې "یدي باسک" له مشر ښاغلي مصطفی بلوت سره په خپل کاري دفتر کې وکتل
په دغه ناسته کې د یادې موسسې مشر په افغانستان کې د خپلو مرستو په اړه مرستیال صیب ته معلومات ورکړل، نوموړي وویل: د اسلامي امارت له راتلو مخکې د ط.البانو پرضد پروپاګنډ ډېر و، خو کله، چې مونږ له نږدې ولیدل حالات بل ډول و
ښاغلي خروټي دوی ته د هرکلي ترڅنګ له افغانانو سره ددوی له مرستو مننه وکړه او وویل؛ په تاریخي لحاظ افغانان او ترکان ډېر مشترکات لري او اوسمهال افغانستان د پانګونې او سرمایه ګذارۍ لپاره ښه مناسب او چمتو دی نوموړي په مرستو کې د شفافیت سپارښتنه وکړه او ډاډ یې ورکړ، چې دوی هرډول همکارۍ ته تیار دي
