محترم مولوي عبدالکبیر په خوست کې د کډوالو او راستنېدونکو چارو له ریاست څخه لیدنه وکړه.
د کډوالو او راستنېدونکو چارو سرپرست وزېر مولوي عبدالکبیر د خوست د کډوالو او راستنېدونکو چارو له ریاست څخه د لیدنې پر مهال د یادې ادارې د فعالیتونو ستاینه وکړه او کارکوونکو ته یې ډاډ ورکړ چې د کډوالو او راستنېدونکو چارو وزارت کار کوونکي به د پخوا په څېر خپلې دندې مخکې وړي.
د محترم وزېر په وینا چې د وزارت مسوولین او کارکوونکي د باور وړ او د ښه ظرفیت لرونکي کسان دي او هڅه به وکړي چې د هغوی له تجربو ګټه واخیستل شي.
نوموړي د اسلامي امارت د اصولو پر ښه تطبیق ټېنګار وکړ او د خوست د کډوالو او راستنېدونکو چارو ریاست له لوري اړمنو ته یې د ښو خدمتونو سپارښتنې وکړې.
