له سلو زیات هېوادوال سعودي عربستان ته د عمرې لپاره لاړل
١٠٥ تنه هېوادوال د زمري په ٢٦مه د عمرې لپاره بیت الله شريف ته لاړل.
په یادو کسانو کې د هېواد د بېلابېلو ولایتو نارينه او ښځينه شامل ول، چې د دریو شخصي شرکتونو او يوې ټولنې له لارې د کابل هوايي ډګر څخه د جدې پرلورې یې پرواز وکړ.
په یادو مراسموکې چې د کابل په هوايي ډګر کې په همدې موخه تر سره شول، د مهاجرينوچارو وزارت وزیر الحاج خليل الرحمن حقاني خبرې وکړې او له زايرينوڅخه یې غوښتنه وکړه،چې د هېواد او ملت په استازيتوب مکې مکرمې ته په رسېدو سره د حج او عمرې مناسک په لازمه توګه پرځای کړي او خلکو سره د نېکو اخلاقو له مخې رویه وکړي.
همدارنګه حقاني دیادو شرکتونو د فعاليتونو څخه د مننې ترڅنګ د حج او اوقافو وزارت اویادو شرکتونو څخه غوښتنه وکړه،چې حرم شريف ته د نږدې خونو،مناسبو خوړو،ترانسپورت او د حجاجو لپاره د معليمنو په ګومارلو کې پاملرنه او لازمه همکاري وکړي.
د ذکرشوو شرکتونواستازو زايرينو ته دلازمو خدماتو د وړاندې کولو ژمنه وکړه.
