د کڼو شورا ځینو غړو د مهاجرینو او راستنېدونکو چارو وزارت سرپرست سره ولیدل
د مهاجرینو او راستنیدونکو چارو وزارت سرپرست الحاج خلیل الرحمن حقاني د خپل کار په دفتر کې د افغانستان د کڼو ټولنیزې شورا له یو شمېر غړو سره ولیدل.
په دې لیدنه کې هغوی په بېلابېلو برخو کې خپلې ستونزې له جلالتماب حقاني سره شریکې کړې او ورته د رسېدنې غوښتنه یې څرګنده کړه.
د وزارت سرپرست د هغوی ستونزې واوریدې او د یادې شورا غړو ته یې د ستونزو د رسېدنې او حل په موخه ډاډ ورکړ.
هغوی د مهاجرینو چارو سرپرست وزیر ته ډالیو په ورکولو سره د ښاغلي وزیر د کړنو او فعالیتونو ستاینه څرګنده کړه.
