د کډوالو وزير ددغه وزارت د روانو کارونو څخه څارنه وکړه
د کډوالو او راستنېدونکو چارو وزير سيد حسين عالمي بلخي د تلې په ۲۸مه ددغه وزارت د روانو کارونو څارونه وکړه او د کار د پرمختګ پروړاندې يې خنډونه او شته ستونزې وڅېړلې.
د راستنېدونکو راجسترېشن دفترونو جوړول او چمتوکول، چې د هيبتات په همکارۍ د شورا برنامې يوه برخه ده، دجوړېدو په حال کې دي، دجومات رغول او د وزارت د داخلي سرګونو هم د کار لاندې دي، چې ښاغلي عالمي بلخي د انجينيرۍ خدمتو رياست ته امر وکړچې دکار سرعت، دقت او موثريت ته ډېره پاملرنه وکړي.
همدارنګه يې د پيمان شرکت څخه غوښتنه وکړه،چې دقرارداد تر بشپړېدو پورې دې خپل ټول کارونه پای ته ورسوي.
