د کډوالو وزير؛ د هغو خلکو په وړاندې چې ټول پلانونه يې دخلکو د بېځايه کېدو لامل کېږي، د دولت کړنې د خلکو پام ځانته را اړه وي
د کډوالو او راستنېدونکو چارو د وزير نور الرحمن اخلاقي او د کابل د والي محمد يعقوب خان حيدري په شتون کې نن په کابل کې ۱۵۰۰ بېځايه شوو کورنيو ته د نغدي مرستو د وېش لړۍ پيل شوه.
سږ کال په ټول هېواد کې ۱۷۳۵۰ اړمنې او بېځايه شوې کورنۍ د کډوالو او راستنېدونکو چارو وزارت د بوديجې له لارې د ژمنيو مرستو د پوښښ لاندې نيول شوي چې هرې کورنۍ ته به ۱۵۰۰۰ افغانۍ نغدې ورکړل شي. سربېره پردې شاوخوا ۵۵ زره نورې بېځايه شوې او اړمنې کورنۍ د نړيوالو همکارو ادارو له لورې د ژمنيو مرستو د پوښښ لاندې نيول شوي دي.
د کډوالو او راستنېدونکو چارو وزير د بشردوستانه مرستو وېش خلکو ته د حکومت د مسئوليت يوه نمونه ياده کړه زياته يې کړه چې زموږ د کوښښونو او همغږۍ په پايله کې به سږ کال د اړمنو او بېځايه شوو له ډلې له ۷۰ زرو څخه زياتې کورنۍ د ژمنيو مرستو د پوښښ لاندې ونيول شي.
په ورته وخت کې د کابل والي په کابل کې د بېځايه شوو د وضعيت د بدلون لپاره خپلې هڅې اعلان کړې ويې ويل چې د خلکو د بېځايه کېدو يو لامل د افرادو او تروريستي ډلو امتيازات وو.
