د کډوالو او راستنېدونکو چارو وزیر محترم مولوي عبدالکبیر د کابل په چهار اسیاب ولسوالۍ کې د اوبو رسولو یوې شبکې په پرانیسته کې ګډون او وینا وکړه.
د چهار اسیاب په ولسوالۍ کې د اوبو رسولو یاده پروژه د کډوالو چارو د وزارت په تخنیکي همکارۍ او د اسلامي همکاریو د سازمان په مالي ملاتړ بشپړه شوې.
د اسلامي همکاریو د سازمان سفیر ښاغلی محمد سعید العیاش له یاد سازمان سره د عامه پروژو په بشپړولو کې د کډوالو چارو وزارت له همکارۍ مننه وکړه او وې وویل، چې یاده پرروژه په ودانېزه برخه کې د اسلامي امارت او د اسلامي همکاریو د سازمان د ګډې همکارۍ ښه پیل دی.
ښاغلي العیاش د مدرسو او جوماتو د رغولو په برخه کې د اسلامي همکاریو د سازمان د ژمنتیا یادونه وکړه او زیانه یې کړه، چې تمه ده د کډوالو چارو وزارت په تخنیکي همکارۍ ورته نورې رغنیزې چارې هم پیل کړي.
محترم مولوي عبدالکبیر په افغانستان کې د اسلامي همکاریو د سازمان فعالیت مهم یاد کړ او له افغانانو سره د یاد سازمان د بشري مرستو ستاینه یې وکړه.
محترم وزیر په هېواد کې د عامه پروژو د رغولو په برخه کې د اسلامي همکاریو د سازمان د مرستو د دوام غوښتنه وکړه او زیاته یې کړه، چې اسلامي نړۍ دې د جوماتونو، مدرسو او ښوونځیو په رغولو کې ونډه واخلي.
محترم وزیر څرګنده کړه، چې اسلامي امارت له هرې ممکنې شرعي لارې د جوماتونو او ښوونیزو مرکزونو د ابادولو هڅې کوي او دا لرۍ به دوام ولري.
