د کډوالو او راستنېدونکو چارو وزير وايي زموږ لويه موخه راستنېدونکو او بېځايه شوو ته کارمونده ده
دغه څګندونې د کډوالو چارو وزير سيد حسين عالمي بلخي په کابل کې د هالنډ د کورډيټ موسسې اود هغه هېواد د بهرنيو چارو وزارت يو شمېر څېړونکو سره په ليدنه کې وکړې او له هغه هېواده يې ددې پروګرام د ملاتړ غوښتنه هم وکړه.
د کډوالو چارو وزير د تېرې سه شنبې په و رځ د غويي په ۳مه د هالنډ هېواد نه د افغان متخصصو کډوالو د راستنېدنې له ملاتړ څخه د مننې ترڅنګ ددې پروګرام د دوام او راستنېدونکو ته د کارموندنې په برخه کې د همکارۍ غوښتونکی شو او زياته يې کړه ، چې راستنېدونکوته کارموندنه ځکه مهمه ده، چې له بيا کډوالۍ څخه يې مخنيوی کوي.
هغه زياته کړه چې دواړه هېوادونه د کډوالو ګډ مديريت ته اړتيا لري ترڅو د کډوالو د مديريت په برخه کې د دواړو لورو ستونزې په نظر کې ونيول شي او يوه ګډه حل لاره ترلاسه کړو.
ښاغلي بلخي د مخابراتو او معلوماتي تکنالوژۍ پر وزارت وسله وال بريد د هيواد ناسم امنيتي وضعيت ياد کړ او ويي ويل موږ له هالنډ غواړو چې د افغانستان وضعيت ته په کتو د افغان کډوالو په جبري ويستلو ټينګار ونه کړي.
د هالنډ د بهرنيو چارو وزارت څېړونکو ژمنه وکړه چې د کډوالو چارو وزارت غوښتنې به د هغه هېواد چارواکوته ورسوي او د همکارۍ غوښتنه به يې وکړي.
