د څه باندې۳ میلیونو ډالرو په ارزښت درې هوکړه لیکونه لاسلیک شول
په کډوالو او بېرته راستنېدونکو چارو وزارت کې د انګلستان وارچایلډ، د بشري مرستو ټولنې او د ناروې کلیسا مرستې موسسو سره د ۳ میلیون او ۹۴۶ زره او ۱۰۲ امریکایي ډالرو په ارزښت د همکارۍ درې هوکړه لیکونه لاسلیک شول.
د دې هوکړه لیکونو پر بنسټ دغه موسسې به پورتنۍ پیسې په هرات، بادغیس، فراه، خوست او کونړ ولایتونو کې د نغدي مرستو، ښوونیزوکڅوړو، خدمتونو او ناستو ترسره کولو، خوراکي توکو، ژمنیو کڅوړو او سرپناه جوړولو په برخو کې ولګوي، چې له دې څخه به ۵۲۶ کورنۍ او ۳۶ زره او ۲۴۴ کسان ګټه واخلي.
دا هوکړه لیکونه د کډوالو چارو وزارت مسلکي مرستیال الحاج مولوي عبدالرحمن راشد او د پورته موسسو د استازو له لوري لاسلیک شول
