د پناه غوښتونکو مرستيال وفي الله کاکړ د ( بوداپست ) په ناسته کې چې د ترکيې حکومت په مشرۍ جوړه شوې وه په انلاين ډول ګډون وکړ
په دې ناسته کې هغه وويل: چې افغان حکومت د کډوالۍ په پراخه پالېسۍ کارکوي. ددې سربېره هغه د سولې وروسته د ستراتېژۍ بشپړولو او د کډوالۍ پالېسۍ په قانوني کېدوکې يې د پرمختګ خبر ورکړ.
ښاغلي کاکړټينګار وکړ چې د انساني قاچاق مخنيوی، دې پدېدې ته ځواب ويل او اداره کول يې د افغان حکومت په لومړيتوبونوکې ځای لري.
همدارنګه د پناه غوښتونکو مرستيال د کډوالو په اړه د اورپايي ټولنې سره د همکاريو په ګډې اعلاميې، د (APAPPS) برنامې له مخې له پاکستان څخه د راستنېدونکو لپاره دعمل پلان، په ايران کې د مېشتو افغان کډوالو لپاره د برېښنايي پېژند پاڼو وېشل او د بيا پخلاينې اړتيا په پام کې نيولو سره د افغانو په خپله خوښه او تدريجي ډول بېرته ستنېدو په اړه د ترکيې سره د افغان حکومت د تعامل په اړه خبرې وکړې.
