د پناه غوښتونکو مرستيال د کډوالو او راستنېدونکو د مرستو په سم مديريت ټينګار وکړ
په افغانستان کې د انګلستان سفارت دکډوالۍ د برخې مسؤل سره په ناسته کې د کډوالو او راستنېدونکوچارو وزارت د پناه غوښتونکو مرستيال وفي الله کاکړ له افغانستان سره د انګلستان د اوږد مهاله همکاريو څخه مننه وکړه ويې ويل: چې د راستنېدونکو د دوامداره يوځای کېدو او دندو رمنځ ته کولو لپاره اړينه ده چې پيسې په سمه توګه مصرف او اداره شي.
دغه ناسته د لړم په ۲۶مه په کډوالو چارو وزارت کې وشوه او ښاغلي کاکړ د انګلستان هېواد څخه غوښتنه وکړه چې له افغانستان له حکومت سره خپلې دوه اړخيزې همکارۍ زياتې کړي او د برنامو په لا اغېزمنتوب يې ټينګار وکړ.
