د پلټنې عالي ادارې رییس د مهاجرینو چارو وزارت مالي مرستیال سره وکتل
د مهاجرینو او راستنېدونکو چارو وزارت مالي او اداري مرستیال شیخ کلیم الرحمن فاني د پلټنې عالي ادارې رییس مولوي الهام او مل پلاوي سره د خپل کار په دفتر کې وکتل.
ښاغلي الهام وویل: د پلټنې عالي اداره په هېواد کې د ټولو ادارو د دندو تفتیش کوي او له دې کار څخه یې موخه د ادارو په چارو کې د روڼتیا او حساب ورکونې تامین او د کیفیت لوړول دي.
هغه زیاته کړه: هر څومره چې زموږ ادارې فعالې وي، هومره به زموږ نظام فعال او باثباته وي.
د وزارت مالي او اداري مرستیال ښاغلي الهام او ورسره پلاوي ته ښه راغلاست ووایه او ویې ویل: موږ تل د اسلامي امارت د رهبرۍ فرمانونه منلي او هڅه کوو، چې په هره اداره کې په پوره ډول فساد له منځه یوسو او بشپړ شفافیت رامنځته کړو.
دغه راز نوموړي هغوی ته د هر راز همکارۍ ډاډ ورکړ.
