د پاکستان په خيبر پښتونخوا ايالات کې تر ( ۱۶) زرو زيات افغان محصلين او کار پوهان ژوند کوي
د هغو شمېرو له مخې، چې د پاکستان په خيبر پښتونخوا ايالات کې د مهاجرينواو راستنېدونکوچارو وزارت د څانګې له لورې راټول شوي او رالېږل شوي، په دغه ايالات کې (۱۶۰۷۴) افغان محصلين او کار پوهان ژوند کوي.
د سرچينې د معلوماتو له مخې د يادو کسانو له ډلې اوسمهال ( ۹۰) تنه د دوکتورا، ( ۴۵۹) تنه د ماسترۍ او (۶۲۹۵) تنه د لېسانس په کچه په زده کړو بوخت دي او پاتې نور يې د بېلابېلو برخو څخه فارغ شوي دي.
يادې څانګې په پاکستان کې د افغان محصلينو د استوګنې، خوراک، د ځوانانو لپاره د تحصلي بورسونو نشتوالی او د پاکستان حکومت له لورې افغان محصلينو ته د ويزې نه ورکول په دغه هېواد کې د افغان محصلينو شته ستونزې بللي.
د مهاجرينو چارو وزارت څانګې په هېواد کې د افغان مهاجرو ځوانانو او فارغانو دوامداره بيا يوځای کېدلو او د شته ستونزو د کمولو په موخه د لوستو مهاجرو ځوانانو او فارغانو ترمنځ د ګډو فرهنګي پروګرامونو د جوړېدو وړانديز وکړ.
