د ټولنیز خوندیتوب کلستر له مهاجرینو چارو وزارت سره ګډه ناسته وکړه
د ټولنیز خوندیتوب کلستر مسولینو د مهاجرینو چارو وزارت د پلان او پالیسۍ له رییس ښاغلي محمودالحق احدي سره ناسته وکړه.
په دې ناسته کې د وزارت ځینو مرکزي مسولینو هم ګډون کړی و، چې د مهاجرینو چارو وزارت او د ټولنیز خوندیتوب کلستر ترمنځ د همغږۍ او د مرستو په اړه پکې څرګندونې وشوې.
د ټولنیز کلستر استازو د خپلو کړنو او فعالیتونو په اړه معلومات شریک کړل او ویې ویل، چې دوی غواړي په راتلونکي میلادي کال کې د مهاجرینو چارو وزارت له لوري د بېځایه شویو او راستنېدونکو او اړمنو اړتیاوې هم د خپل کار په پلان کې ونیسي.
د وزارت د پلان او پالیسۍ رییس ښاغلي احدي د دوی د خدمتونو ستاینه وکړه او په اړوندو برخو کې یې د مهاجرینو چارو وزارت د همکارۍ ډاډ ورکړ.
دغه راز په دې ناسته کې پر راتلونکو ناستو او پر لا همغږۍ او همکارۍ ټینګار وشو.
