د وزارت مسلکي مرستیال د کندز شير خان بندر وکاته
د مهاجرینو او راستنېدونکو چارو وزارت مسلکي مرستیال مولوي عبدالرحمن راشد د هېواد شمال ته د خپل سفر په دوام کندز ولایت ته لاړ او هلته یې شیرخان بندر وکاته.
ښاغلي راشد د دې سفر په لړ کې د کندز ولایت د امام صاحب ولسوالۍ له قومي مشرانو سره هم وکتل او د بې ځایه شویو او راستنېدونکو د ستونزو په اړه یې ورسره خبرې وکړې.
د وزارت مسلکي مرستیال د دغې ولسوالۍ د قومي مشرانو د ستونزو له اورېدو سره هغوی ته په راتلونکي کې د حل ډاډ ورکړ.
