د وزارت مسلکي مرستیال د سمنګان ولايت له والي سره وکتل
د مهاجرینو او راستنېدونکو چارو وزارت مسلکي مرستیال الحاج مولوي عبدالرحمن راشد د سمنګان ولایت له والي الحاج ملا شعیب رسولي سره د خپل کار په دفتر کې وکتل.
په دې کتنه کې دواړو لوریو د راستنېدونکو او بېځايه شويو د ستونزو ته پر رسېدنې خبرې وکړې.
د سمنګان والي ښاغلي راشد ته په دې برخه کې د ښې رسېدنې په موخه د همکارۍ د دوام ډاډ ورکړ.
د وزارت مسلکي مرستیال د سمنګان د والي د همکارۍ ستاینه وکړه او په دغه ولایت کې یې راستنو شویو او بې ځایه شویو کورنیو ته پر ښې رسېدنې ټینګار وکړ.
