د وزارت مسلکي مرستیال او د غزني ولایت امنیه قوماندان لیدنه وکړه
د مهاجرینو او راستنېدونکو وزارت مسلکي مرستیال مولوي عبدالرحمن راشد د غزني ولایت له امنیه قومندان مولوي مخدوم محمد عالم رباني او مل پلاوي سره پخپل کاري دفتر کې ولیدل.
په دې لیدنه کې دواړو لورو په غزني ولایت کې د مهاجرینو د وضعیت او نورو ورته چارو په اړه څرګندونې وکړې.
ښاغلي راشد د ملي او نړیوالو موسسو چې هلته د مهاجرینو لپاره مرستې کوي د مرستو رسونې اړوند د امنیت په ټینګښت کې د غزني د والي له همکارۍ څخه مننه څرګنده کړه.
د غزني امنیه قوماندان په هغه ولایت کې د خلکو د امنیت د تامین په برخه کې د خپلې همکارۍ ډاډ څرګند کړ او د دولتي ادارو ترمنځ یې پر همغږۍ او همکارۍ ټینګار وکړ.
