د وزارت محترم مقام د لارښوني پر اساس ددغه وزارت بیا ځلې میشتېدنې ریاست ريېس مولوي شکرالله شاکر په مشرۍ یو پلاوي بدخشان ولایت ته لیږل شوي.
د پلاوي موخه په یاد ولایت کې د وروستیو سیلابونو په پایله کې د رامنځ ته شویو تلفاتو دقیق ارقام معلومول، د شهیدانو له کورنېو سره غمرازي، مرسته او همکاري ده.
یاد پلاوې پرون ٤١٠٣/٣/١ نیټه د بدخشان ولايت له محترم والي محمدايوب خالد سره د ياد ولایت په مقام کې ناسته وکړه.
ښاغلي محمدخالد ايوب پلاوې ته ښه راغلاست ووایه او د وزارت له رهبري څخه یې قدرداني وکړه.
ورپسې د پلاوې مشر مولوي صاحب شکرالله شاکر د ناستې ګډونوالو ته د وزارت د رهبري پيام وړاندې کړ او د مرستو د توزیع په برخه کې يې لازم تصميمونه ونيول.
په ورته ورځ د پلاوي مشر او مل ټيم یې د یاد ولايت په ارګو او درايم ولسواليو کې سيلاب ځپليو او د شهداوو له ورثه ؤ سره د وزارت د محترم مقام په نمايندګۍ غم شريکي وکړه او د وزارت محترم مقام پيام يې د يادو ولسواليو اوسېدونکو ته وړاندې کړ.
په پاې کې ٥٥ سيلاب ځپليو کورنيو له هرې کورنۍ سره ١٠ زره افغانۍ نغدي او یوه اندازه خوراکي توکو مرسته وشوه.
همدارنګه د ياد ولایت ریاستونو د ريېسانو تر څارنې لاندې ٤ سیلاب ځپلو شهیدانو له هرې کورنۍ سره ٣٠ زره افغانۍ نغدې او خوراکي توکو مرسته وشوه.
