د وزارت مالي او اداري معین، د Nove onlus  ایټالیايي مؤسسې له عمومي رئیسې سره وکتل

anwari_morr
دوشنبه ۱۴۰۲/۸/۲۹ - ۱۳:۱
-

د مهاجرینو او راستنېدونکو چارو وزارت مالي او اداري معین الحاج محمد ارسلاح خروټي نن په خپل کاري دفتر کې د ایټالیايي مؤسسې له عمومي رئیسې آغلې سوسانا فیورتي او د بورډ له غړي ښاغلي سزویزو سویره سره  په خپل کاري دفتر کې وکتل.

په دې کتنه کې دواړو لورو له پاکستان څخه په جبري توګه راستنېدونکو افغانانو ته د دغې ادارې د مرستو او خدمتونو د وړاندې کولو په باب خبرې وکړې.

ښاغلي خروټي د يادې مؤسسې له لوري د مرستو د پيل ستاينه وکړه او زياته يې کړه، چې دغه مرستې بايد د ضرورت او اړتيا له مخې وي، نړۍوال بنسټونه او مؤسسې په دې سختو او دشوارو شرايطو کې چې افغان مهاجرین ور سره مخ دي، د نورمال وخت په پرتله زياتې مرستې وکړي.

مالي او اداري معین وویل: له مهاجرینو سره باید د سیاسي وسیلې په توګه چلند ونشي، باید له هغوی سره د بشري حقونو او انساني وجیبو له مخې چلند وشي.

آغلې سوسانا فیورتی د جبري راستنېدونکو له پاره د یادې ادارې د ملاتړ او مرستې ډاډ ورکړ او ویې ویل: چې موږ به له یو بل سره په همغږۍ او همکارۍ کار وکړو.

په دې کتنه کې د وزارت راستنېدو ته د هڅونې رئيس مولوي محمد جان خدرخېل هم حضور درلود.

 

تازه خبرونه

سه‌شنبه ۱۴۰۲/۹/۷ - ۲۰:۳۷
Background image

د مهاجرینو چارو سرپرست وزیر د افغانستان له پاره د اروپایي اتحادیې له سرپرستې سره ولیدل

د مهاجرینو او راستنېدونکو چارو سرپرست وزیر الحاج خلیل الرحمن حقاني د اروپایي اتحادیې له سرپرستې آغلې رافیلا لودیک او مل پلاوي سره په خپل کاري دفتر کې ولیدل
ښاغلي حقاني آغلې رافیلا لودیک. . .

سه‌شنبه ۱۴۰۲/۹/۷ - ۱۴:۴۲
Background image

د مهاجرينو او راستنېدونکو چارو وزير له يو شمېر ولسي استازو سره  لېدنه وکړه 

د مهاجرينو او راستنېدونکو چارو وزير الحاج خليل الرحمن حقاني دبېلابېلو ولايتونو له  يو شمېر ولسي استازو سره په خپل کاري دفتر کې لېدنه وکړه. 
په دغه لېدنه کې يادو استازو  د بهر مېشته. . .

سه‌شنبه ۱۴۰۲/۹/۷ - ۱۱:۳۷
Background image

د وزارت  مسلکي مرستيال په کندهار کې د راستنېدونکو د مؤقتي کمپ  له کارونو ليدنه وکړه

د مهاجرينو او بېرته راستنېدونکو چارو وزارت مسلکي مرستيال مولوي عبد الرحمن راشد او د مؤقتې استوګنې د کمېټې رئيس د ليندۍ په ۶ مه  د کندهار ولايت د تخته پل  د مؤقتې کمپ له کارونو څخه ليدنه. . .

بېرته خبرونه ته