د وزارت د څارنې او ارزونې نوي رییس خپله دنده پیل کړه
د مهاجرینو او راستنیدونکو چارو وزارت دوه تنه مرکزي رییسان چې د ریاست الوزرا د حکم پر بنسټ یې تبدیلي منظور شوې وه، د مهاجرینو وزارت د مقام د دفتر د رییس لخوا د ځینو مرکزي رییسانو په شتون کې د څارنې او ارزونې ریاست کارکوونکو ته ور وپېژندل شول.
د مهاجرینو چارو د همغږۍ شورا رییس حاجي محمد علي باور په دویم بست کې د څارنې او ارزونې د رییس په توګه او د څارنې او ارزونې مخکنی رییس مطیع الله عرب په دویم بست کې د غزني د مهاجرینو چارو د رییس په توګه تبذیل شو.
د وزارت د مقام د دفتر رییس مولوي محمد جان خدرخېل د ښاغلي باور د معرفۍ په مراسمو کې د پخواني رییس مطیع الله عرب د کړنو ستاینه وکړه او د دې ریاست نوي رییس ته یې په چارو کې د بریالیتوب هیله څرګنده کړه.
