د وزارت د اعلان شوي بست تقريري ازموينه واخیستل شوه
د پروان، کاپیسا، بامیان او میدان وردګو ولایتونو د مهاجرينو د ښارګوټو څارنې د مسلکي غړي تر سرلیک لاندې د څلورم بست تقريري ازموینه د چهارشنبې په ورځ د وږي په ٨ مه د وزارت د بشري سرچینو ریاست کې واخیستل شوه.
د دغه بست ګډونوالو، چې شمېر یې ١٧ تنو ته رسېده یوه ورځ وړاندې یې د اداري اصلاحاتو او ملکي خدمتونو په کمېسیون کې برېښنايي ازموینه ورکړې وه. د ياد بست تقريري ازموينه(انټريو) د مهاجرينو چارو وزارت د حقوقي سلاکار مولوي محمود الحق احدي، د ښارګوټو خدمتونو، د دعوت او ارشاد او بشري سرچينو رئيسانو په شتون کې واخيستل شوه.
د وزارت د بشري سرچینو رئیس مفتي مدیرګل احمدي د یاد بست د تقريري ازموینې (انټريو) په اخیستلو کې پر بشپړ شفافیت ټینګار وکړ او ویې ویل چې د ازموينې د بهیر له پای ته رسېدو وروسته به د هر یوه ولايت لپاره یو تن معرفي شي.
