د همکارۍ دوه هوکړه لیکونه لاسلیک شول
د مهاجرینو او راستنېدونکو چارو وزارت او د افغانستان د کلیو د بیارغونې او ټولنیزې او پراختیایې لار له موسسو سره د همکارۍ هوکړه لاسلیک شول.
د دې هوکړه لیکونو له مخې، د افغانستان د کلیو د بیارغونې موسسه به په هرات، فراه او غور ولایتونو کې ۱۶۰ زره ۹۰۸ راستنېدونکو، بېځایه شویو او کوربه ټولنې ته بیامېشتېدنې برخه کې د خدمتونو په وړاندې کولو کې یو میلیون ۲۰ زره ۱۰۲ امریکایي ډالر لګوي.
او د ټولنيزې او پراختيایې لار موسسه به په کندوز او بدخشان ولايتونو کې د ژمنيو کڅوړو په وېش ۳ ميليونه ۷۶۳ زره ۲۰ افغانۍ ولګوي، چې ۲۰۰ راستنې شوې کورنۍ به ترې ګټه واخلي.
دا هوکړه ليکونه د وزارت دعوت او ارشاد رییس او اوس د مسلکي معینیت سرپرست او د دواړو موسسو د استازو له لوري لاسليک شول.
